Astanadaǵy sý qoımalaryna baldyrdan tazartý úshin aq amýr shabaqtary jiberildi
ASTANA. QazAqparat - Astanadaǵy sý qoımalaryna qalalyq sý-qutqarý stansasy jyl saıyn aq amýr sııaqty balyq túrlerin jiberip otyrady.
Mundaǵy maqsat - sý qoı malaryn ósimdikterdiń basyp ketýimen, sonyń ishinde baldyrlardyń gúldenýin boldyrmaý, dep habarlaıdy astana. kz.
Sarapshylar balyqtyń osy túri sý qoımasynyń gıdrologııalyq rejimine oń áser etetinin anyqtaǵan. Amýr baldyrlarmen jáne qamyspen qorektenip, sýdy tazartatyn balyq.
Sonymen qatar, sý qoımalaryna tuqy shabaqtary da jiberildi. Olardyń sanyn ulǵaıtý balyqshylar úshin tıimdi bolyp otyr. Qazirgi kezde elorda turǵyndarynyń birqatary Esil ózeni men Aqbulaq aýmaǵynda balyq aýlaýmen aınalysady. Erejege sáıkes, bir adamǵa 5 keli balyq aýlaýǵa ruqsat etilgen. Ol úshin ártúrli qarmaq (jaltyraýyq, qarmaq, spınnıng) qoldanylady.
