Astanadaǵy stýdenttik emhanaǵa jarylǵysh zat «qoıǵan» qyz ustaldy
ASTANA. 19 tamyz. QazAqparat - 17 tamyz kúni Astana qalalyq Іshki ister departamentiniń Jedel basqarý ortalyǵyna beıtanys áıel qońyraý shalyp, stýdenttik emhanaǵa jarylǵysh zat qoıylǵanyn málimdegen.
Bul týraly vedomstvonyń baspasóz qyzmeti habarlap otyr.
Oqıǵa ornyna tez arada jedel qyzmetter, «Saryarqa» aýdandyq ІІB-nyń jedel tergeý toby, jol polıtsııasy qyzmetkerleri, «Arlan» arnaıy jasaǵy, kınologııalyq ortalyq qyzmetkerleri, Astana q. ІІD ekstremızmge qarsy kúres basqarmasy, UQQD, TJD qyzmetkerleri jetti.
Mamandar emhananyń ákimshilik ǵımaraty men onyń aınalasyn tolyq tekseristen ótkizip, jarylǵysh zattyń joq ekendigine kóz jetkizdi. Emhanadan 20 adam qaýipsiz jerge kóshirildi.
Astana q. ІІD qyzmetkerleri qoldanǵan sharalar nátıjesinde 1991 jylǵy Qaraǵandy oblysynyń týmasy ustaldy. Qyzdyń sózderine qaraǵanda, ol «qaljyńdap» «102» nómirine stýdenttik emhanaǵa jarylǵysh zat qoıyldy dep aıtqan. Atalǵan oqıǵa boıynsha QR Qylmystyq kodeksiniń 242 baby boıynsha (Terrorıstik akt týraly jalǵan aqparat taratý) qylmystyq is qozǵaldy.
