Astanadaǵy Sporttyq poker oıynshylary men áýesqoılary respýblıkalyq federatsııasynyń dırektory jaýapkershilikke tartyldy

Bul týraly búgin Astanada QR Ekonomıkalyq qylmysqa jáne sybaılas jemqorlyqqa qarsy kúres agenttiginiń resmı ókili (qarjy polıtsııasy) Murat Jumanbaı aıtty.

Qarjy polıtsııasy organdary zańsyz oıyn bıznesiniń jańa jelisin áshkerelegenin jetkizgen resmı ókil, Astana jáne Almaty qalalarynda astyrtyn kazınolardyń qyzmetine búrkeme retinde qoldanylǵan sporttyq poker oıynshylary men áýesqoılarynyń birneshe birlestigi anyqtalǵanyn aıtty.

Astanadaǵy Sporttyq poker oıynshylary men áýesqoılary respýblıkalyq federatsııasynyń dırektory Końyrbaev aıyppul tóleý jaýapkershiligine tartyldy. Ol sporttyq poker boıynsha jarystardy búrkemelenip, astyrtyn kazınonyń qyzmetin uıymdastyrǵan. Kazınony tekserý barysynda kassanyń seıfinde 3,5 mln.teńge, 11 myń AQSh dollary jáne 160 eýro men 9 poker ústeli anyqtaldy. Olar tárkilendi.

Astanadaǵy taǵy bir poker klýbynyń, ıaǵnı Royal Flash respýblıkalyq poker federatsııasynyń ákimshisi Lı sottaldy. Ol da sporttyq poker boıynsha jarystardy búrkemelenip, zańsyz kazıno qyzmetinen 1,5 mln. teńge kóleminde zańsyz tabys alǵan. Memleket paıdasyna 1 mln.teńgeden astam qarajat jáne 3 poker ústeli tárkilendi.

Almaty qalasynda Sporttyq poker oıynshylary men áýesqoılarynyń respýblıkalyq federatsııasy fılıalynyń atyn jamylyp, qyzmet jasaǵan kazıno áshkerelendi. Onda quny ártúrli 5 myń fıshka, 9 poker ústeli tárkilendi. «Qylmystyq is sot qaraýynda»,- dedi resmı ókil.