Astanadaǵy sot oryndaýshylary alkogol ónimderin zańsyz satyp kelgen - Qarjy polıtsııasy
ASTANA. 23 qyrkúıek. QazAqparat - Astana qalasy boıynsha Qarjy polıtsııasy departamenti elordanyń Sot aktilerin oryndaý departamentiniń qyzmetkerleri - Óserbaev pen Músirálige qatysty qyzmettik ókilettigin teris paıdalaný faktisi boıynsha qylmystyq is qozǵady.
Olar tárkilengen alkogol ónimderin zańsyz satyp kelgen. Búginde atalǵan sot oryndaýshylaryna alkogol ónimderin zańsyz satyp, el bıýdjetine 2,5 mln.teńge kóleminde shyǵyn keltirdi degen aıyp taǵylyp otyr. Іsti tergeý barysynda olardyń basqa da osy ispetti qylmystarǵa qatysty bolǵany anyqtaldy. Sondyqtan Astana qalasy boıynsha qarjy polıtsııasy departamenti Óserbaev pen Músirálige qatysty qosymsha 16 qylmystyq is qozǵady. Resmı aqparatqa sáıkes, olarǵa 13 jeke kásipker men eki kásiporynnan tárkilengen jalpy quny 2,8 mln.teńgeni quraıtyn alkogol ónimderin zańsyz satty degen aıyp taǵyldy.
