Astanadaǵy SOSO-ǵa kelgen almatylyq arý bireýdiń shýbasyn kıip ketken
ASTANA. QazAqparat - «Astana Mall» SOSO kafeleriniń birinde boıjetken bireýdiń tonyn kıip ketken. Oqıǵanyń vıdeosy «Astana - Ne? Qaıda? Qashan?» tobynda jarııalanǵan.
«Sary tústi kúrtedegi qyz bireýdiń tonyn (shýba) alyp, kıip ketken. Tonnyń ıesi qatelesip alyp ketken bolar degen nıetpen kafe jabylǵanǵa deıin kútken. Aralaryńyzda tanyǵandar bolsa, habaryn berińizder. Qyzdar, abaı bolyńyzdar», - dep jazylǵan áleýmettik jelidegi vıdeonyń astyna.
«Jedel-izdestirý sharalaryn júrgizý barysynda polıtsııa boıjetkenniń kim ekenin anyqtady. Qyzdyń aıtýynsha, ol Almatyda turady jáne tondy (shýba) ıesine qaıtardy. Astanaǵa mereke kúnderi qonaqqa kelgen. Qyzdyń aıtýynsha, ol tondy ózinikimen shatastyryp alǵan kórinedi», - dep habarlaıdy Astana qalalyq ІІD baspasóz hatshysy Sofıa Qylyshbekova.
Vıdeodaǵy ózin tanyǵan qyz áleýmettik jelilerde jarııalanǵan vıdeony óshirgende tondy qaıtaratynyn aıtty, dep jazady Facebook jelisindegi elordalyq topqa Dasha Ivanova degen atpen tirkelgen qoldanýshy.
«Repost jasap, pikir qaldyrǵandaryńyzǵa rahmet. Qaltasynda bank kartochkasy qalyp qoıǵasyn, vıdeodaǵy qyz ózin tanyp, tonnyń ıesine habarlasty», - dep jazady Facebook-te.
