Astanadaǵy «Soltústik shuǵylasy» turǵyn úı kesheninde jasyryn kazıno anyqtaldy (FOTO)
ASTANA. QazAqparat - Astana qalasy boıynsha MKD-nyń ekonomıkalyq tergeý qyzmetkerleri «Soltústik shuǵylasy» turǵyn kesheninde poker oıyndary ótkiziletin jasyryn oıynhana klýbynyń zańsyz qyzmetin anyqtap, toqtatty, dep habarlaıdy Astana qalasy boıynsha MKD-nyń baspasóz qyzmeti.
Zańsyz qumar oıynhanasy «Soltústik shuǵylasy» turǵyn keshenindegi jaldamaly páterden anyqtaldy.
Oqıǵa ornyn qaraý kezinde zańsyz poker klýbyn uıymdastyrý faktisi tirkeldi. Atalǵan mekemeniń uıymdastyrýshysy - Sádýaqasov E. esimdi azamat. Sondaı-aq sol páterden aqsha, poker oıynyn ótkizýge arnalǵan 1 jıyntyq, dálirek aıtqanda - oıyn fıshkalary men 7 kózir anyqtalyp, tárkilendi. Mekemede jasyryn klýbtyń uıymdastyrýshysy, 2 dıler, 1 daıashy, 2 kúzetshi jáne esimderi anyqtalǵan 9 oıynshy bolǵan.
Zańsyz oıyn bıznesin uıymdastyrýshy óz kinásin tolyq moıyndady.
Osy is sot aldyndaǵy tergeýdiń biryńǵaı tiziliminde tirkeldi.
QR Ákimshilik quqyq buzýshylyqtar týraly kodeksiniń 444-babyna sáıkes, arnaıy oryndardan tys jerde qumar oıyndaryna qatysqan tulǵalar QR Ákimshilik quqyq buzýshylyqtar týraly kodekstiń 444-babyna sáıkes (aıyppul túrindegi ákimshilik tóletýdiń somasy 200-den 300 AEK deıin quraıdy) ákimshilik jaýapkershilikke tartylady.
