Astanadaǵy «Shyǵys», «Jaǵalaý-3» jáne «Jaǵalaý-4» turǵyn úı keshenderiniń qurylysy bıyl aıaqtalady
ASTANA. QazAqparat - Astana qalasy ákiminiń orynbasary Sergeı Horoshýnnyń tóraǵalyǵymen turǵyn úı qurylysyna úlestik qatysý máseleleri jónindegi vedomstvoaralyq komıssııanyń kezekti otyrysy ótti, dep habarlaıdy elorda ákimdiginiń baspasóz qyzmetinen.
Otyrys barysynda komıssııa «ISK ASI» JShS basshysy S.V. Kotlıarovtyń «Shyǵys», «Jaǵalaý-3» jáne «Jaǵalaý-4» turǵyn úı keshenderiniń qurylysyn aıaqtaý boıynsha júrgizilip jatqan jumystar týraly ótinishin nazarǵa aldy. «Jaǵalaý-3» TK 30-sektsııa №3 blogynda árleý jumystary aıaqtaldy, 15 qyrkúıekke deıin bólmearalyq esikterdi montajdaý, eseptegish quraldardy, sanfaıans peg jylý torabyn ornatý jumystary aıaqtalmaq. Nysan 2016 jyldyń 25 qyrkúıeginde paıdalanýǵa beriledi. Sektsııanyń №5 blogynda qasbetti jáne tóbeni jóndeý jumystary bitip, vıtrajdarǵa shyny qoıylyp jatyr. Taza árleý jumystaryn 15 qazanǵa deıin aıaqtaý kózdelgen. Nysan 2016 jyldyń 30 qazanynda tapsyrylady. Turǵyn úı kesheniniń qurylysy turaqty baqylaýǵa alyndy.
«Stroıklass» JShS ókili «Altyn Bosaǵa» TK qatysty ú.j. 1 qarashasyna deıin qurylysty aıaqtaý jáne jer ýchaskeleriniń ıelerine ótemaqy tóleý máselesin sheshý boıynsha qaýly alýǵa qujattar ázirlenip jatqanyn málim etti. Komıssııa músheleri qazirgi kezde «Svetlyı» TK salynatyn jer ýchaskelerin rásimdeý jónindegi máseleler sheshilmegenin atap ótti. «Kórkem Taýer» JShS boıynsha «Kórkem Taýer» TQK tóraǵasyna «Turǵyn úı qurylysyna úlestik qatysý týraly» QR Zańyn buzyp, páterlerdi satý úshin jaýapkershilik júkteletini týraly eskertý jasaldy.
«Alǵa, Toqbolat» JShS dırektory A. Erjigittiń habarlaýynsha, 1 qyrkúıekte úıdiń qurylysy men ınvestorlarǵa qarjy qaıtarý jumystary bastalady, Turan dańǵylynyń batysyna qaraı ornalasqan TK úleskerleri-ınvestorlardan qurylǵan bastamashylar tobynyń ókili turǵyn úı-qurylys kooperatıviniń qurylǵanyn málim etti.
Komıssııa músheleri kompanııa dırektoryna nysan qurylysyn memlekettik saraptamadan ótken bekitilgen joba boıynsha qatań júrgizýge keńes berdi. Investor-úleskerlerdiń bastamashylar tobyna TQK-ǵa qurylysty óz betinshe aıaqtaý úshin turǵyn úı kesheniniń barlyq ınvestorlaryn TQK-ǵa qabyldaý usynyldy.
«Arystan» TK («NM Astana Qurylys» JShS) qatysty salýshyǵa eki salýshy bekitken jumystardy júrgizý kestesin, sondaı-aq qarjylandyrý kózderi kórsetilgen is-sharalar josparyn usyný tapsyryldy.
Otyrys barysynda «Zere-1» jáne «Zere-2» TK qurylysy talqylandy. «KazGazAstana» JShS dırektory ınvestorlarǵa qurylysty aıaqtaýǵa arnalǵan aqsha qarajatynyń túskenin rastaıtyn qujattardy kórsetpeı, VAK usynystaryn oryndaǵan joq.
Salýshysy «Nomad Stroı EK» JShS bolyp tabylatyn «Esil-2» TK boıynsha «Esil-2» TK TQK jer ýchaskelerin qaıta rásimdeý boıynsha VAK usynystary oryndalǵan joq. Sonymen qatar, 188-kóshedegi jáne «Esil-1» turǵyn úı keshenderi paıdalanýǵa berilmegen, qurylys júrgizýge daıyndaý úshin Sáýlet jáne qala qurylysy basqarmasyna qujattama tolyq kólemde berilmegen.
Komıssııa TQK ókilderine «Esil-2» TK jáne «Fıýchı Hom» TK satylǵan jáne bos aýdandar týraly aqparatty usynýǵa keńes berdi. «Esil-1» TK qatysty 5 qyrkúıekke deıin «Astana Sý Arnasy» AQ men «Astana-Teplotranzıt» AQ eskertýlerin joıý tapsyryldy.
Munymen qosa, komıssııa músheleri «Jastar-4» TK salýshysy «Baqyt-11» JShS dırektorynyń ú,j. 31 tamyzynda 100 mln teńge mólsherinde nesıe zaımynyń birinshi transhynyń kelip túskeni týraly ótinishin qabyldady, muny rastaıtyn qujattardy Astana qalasynyń ІІD usyný qajet.
Aıta keteıik, turǵyn úı qurylysyna úlestik qatysý máseleleri jónindegi vedomstvoaralyq komıssııanyń otyrysy bastamashylar toptarynyń ókilderiniń, TQK jáne salýshy kompanııalardyń músheleriniń qatysýymen apta saıyn ótedi. Barlyq problemalyq nysandar komıssııanyń turaqty baqylaýyna alyndy.
