Astanadaǵy «Shubar» turǵyn úı alaby súrilmeıdi
ASTANA. QazAqparat - «Astana bas jospary» ǵylymı-zertteý jobalaý ınstıtýtynyń dırektory Sársembek Júnisov «Shubar» turǵyn úı alabynyń súriletindigi týraly aqparattyń daqpyrt ekendigin aıtty, dep habarlaıdy QazAqparat.
«Sóz «Shubardy» súrip tastaý jaıynda bolyp otyrǵan joq. Biz «Shubarda» mektep salǵymyz keledi. Óıtkeni, mektepterde bala sany tym kóp. Tipti, qarapaıym mekteptiń qurylysyna 3 gektar aýmaq qajet bolady. Al biz 1 gektardy ǵana arzanǵa súrip tastaǵymyz keledi. bul aýdandaǵy onyń qurylys orny áli anyqtalǵan joq», - dedi Júnisov QazAqparat tilshisine.
Mektepti 2019-2020 jyldary salý josparlanǵan. Alaıda, bolashaq bilim ordasynyń naqty qaı jerde ornalasatyndyǵy belgisiz.
«Osy aýdanda turatyn balalar únemi Qabanbaı batyr dańǵylyn kesip ótedi. Mundaı jaıt bolmaýy, ıaǵnı balalardyń qaýipsizdigi úshin biz «Shubarda» mektep salǵymyz keledi. Bul mektep qansha orynǵa eseptelip salynatyndyǵy ázirshe sheshilgen joq. Sóz aýmaqtan bir gektar jerdi bosatý jaıynda bolyp otyr jáne biz barynsha arzan nusqany izdeýdemiz», - dedi ol.
Aıta keteıik, buǵan deıin biraqatar BAQ-ta Astana ákimdigi Shubar aýdanyn súrýge ruqsat berdi degen aqparat taraǵan bolatyn. Este bolsa bul turǵyn úı alabyn súrý jaıyndaǵy másele 20 jylǵa jýyq ýaqyt ishinde birneshe ret kóterilgen edi.
