Astanadaǵy «Shapaǵat» bazary satylymǵa shyǵaryldy
ASTANA. QazAqparat - Astanada «Shapaǵat» kommýnaldyq bazary elektrondy satylymǵa shyǵaryldy, dep habarlaıdy QazAqparat «Astana» áleýmettik-kásipkerlik qoryna silteme jasap.
Tender 11 jeltoqsan kúni Astana ýaqytymen 10.00-de www.gosreestr.kz Memlekettik múlik reestriniń veb-portalynda ótedi.
«Astana» áleýmettik-kásipkerlik korporatsııasy «Shapaǵat» Kommýnaldyq bazary» JShS Jarǵy kapıtalyndaǵy 100% úlesi elektrondyq saýdaǵy qoıylǵandyǵy týraly habarlaıdy. Elektrondy saýdanyń bastapqy baǵasy 1 329 971 984 teńge, kepildik jarna - 72 150 000 teńge», - delingen áleýmettik-kásipkerlik korporatsııanyń resmı habarlamasynda.
«Shapaǵat» kommýnaldyq bazary» JShS Jarǵy kapıtalyndaǵy 100% úlesin ótkizý is-sharasy QR Úkimetiniń 2015 jylǵy 30 jeltoqsandaǵy «Jekeshelendirýdiń 2016-2020 jyldarǵa arnalaǵan keıbir máseleleri týraly» №1141 Qaýlysyna ózgerister engizý týraly» QR Úkimetiniń 2017 jylǵy 11 sáýirdegi qaýlysyna sáıkes, Qoǵamnyń Dırektorlar keńesiniń 2017 jylǵy 7 qarashadaǵy sheshimine sáıkes «Aqparattyq-esepteý ortalyǵy» AQ Memlekettik múlik reestriniń veb-portalynda múlikti satý boıynsha elektrondyq saýda-sattyqtardy ótkizý Rettemesine saı júrgiziledi.
Saýdany júrgizý týraly tolyq aqparatty www.gosreestr.kz saıtynan bilýge bolady.
