Astanadaǵy «Shanhaı» bazary mańynan áıel adamnyń máıiti tabyldy
ASTANA. QazAqparat - Astanada 26 jastaǵy áıeldiń máıiti tabyldy, dep habarlaıdy QazAqparat Astana ІІD baspasóz qyzmetine silteme jasap.
Oqıǵa Alash tas jolynda eń úlken saýda oryndarynyń biri - «Shanhaı» bazary mańynda bolǵan.
«13 qyrkúıek kúni shamamen 20:00-de Alash tas jolyndaǵy Shanhaı bazary mańynan belgisiz áıeldiń denesi tabylǵan bolatyn. Polıtsııa qyzmetkerleri qajetti sharalardy júrgizip jatyr. Keıinirek áıeldiń aty-jóni anyqtaldy», - dep habarlady qalalyq ІІD baspasóz hatshysy Sofıa Qylyshbek.
Baspasóz hatshysynyń habarlaýynsha, sot-medıtsınalyq saraptama nátıjesinde zorlyq-zombylyq izderi tabylǵan joq. Qazir sotqa deıingi tergeý amaldary júrip jatyr.
