Astanadaǵy shahmat festıvalinde úzdik grossmeısterler balalarǵa oıyn seanstaryn ótkizedi

ASTANA. QazAqparat – Elordada Astananyń 25 jyldyǵyna oraı uıymdastyrylǵan «Astana juldyzdary» halyqaralyq shahmat festıvali ótip jatyr. Іs-sharany belgili qazaqstandyq sportshy Dınara Sádýaqasova basqaratyn shahmat akademııasy uıymdastyrdy, dep habarlaıdy QazAqparat.

13 jáne 14 shildede osy festıval aıasynda jańadan bastaǵan oıynshylar men balalar úshin álemdik deńgeıde oınaıtyn úzdik shahmatshy-grossmeısterlermen bir mezgilde oıyn-saýyq seanstary ótedi.

13 shildede qazaqstandyq grossmeıster, erler arasyndaǵy shahmattan Qazaqstannyń úsh dúrkin chempıony Mýrtas Qajgaleev jáne ýkraınalyq grossmeıster Vıtalıı Bernadskıı óz sheberlikterin kórsetedi.

14 shildede qatysýshylarmen ázerbaıjandyq grossmeıster Muhammed Mýradly belarýssııalyq grossmeıster Vladıslav Kovalevpen oınaıdy.

Buǵan deıin habarlaǵanymyzdaı, 11-19 shildede elordanyń 25 jyldyǵyna oraı «Astana juldyzdary» halyqaralyq shahmat festıvali ótedi.

«Astana juldyzdarynyń» ereksheligi men mańyzy – «FIDE uıymdastyrýshysy» ataǵyna arnalǵan semınar. Mundaı is-shara Qazaqstanda alǵash ret ótkizilip otyr.