Astanadaǵy semınarda ekstremızm men terrorızmniń alǵysharttary zerdelenýde
ASTANA. 8 qazan. QazAqparat - Búgin QR Prezıdenti janyndaǵy Memlekettik basqarý akademııasynda ekstremızm men terrorızmge qarsy kúres máselelerine arnalǵan semınar-trenıng uıymdastyryldy.
Oǵan Túrkııanyń Joǵarǵy sot ókilderi qatysty.
Semınar barysynda akademııa rektory Bolatbek Ábdirásilov atap kórsetkendeı, atalǵan is-sharanyń negizgi maqsaty - ekstremızm men terrorızmniń alǵysharttaryn anyqtaý.
«Negizi, búgingi tańda quqyq qorǵaý organdary lańkestikke qarsy tıimdi ári shuǵyl áreket etip jatyr. Biz bolsaq, ekstremızm men terrorızmniń negizgi sebepterin anyqtap, búgingi jumysty kúsheıtýimiz qajet. Ol úshin sheteldik sarapshylardyń kómegine júgingen jón. Mine, osyǵan oraı biz búgingi semınarǵa Túrkııa respýblıkasynyń Joǵarǵy sot múshelerin shaqyryp otyrmyz. Sebebi sol elde ekstremızm men terrorızmge qarsy tıimdi jumys júıesi qalyptasqan», - deıdi B.Ábdirásilov.
