Astanadaǵy saıajaılardyń turǵyndaryna sý tasqyny týraly eskertý berildi
ASTANA. QazAqparat - Astana qalalyq TJD «Saryarqa» aýdandyq tótenshe jaǵdaılar basqarmasy sý tasqyny kezeńiniń bastalýyna oraı jeke turǵyn úıler men aýlalardy sý basýynyń aldyn alý maqsatynda jeke sektor aýmaǵynda birqatar is-sharalar ótkizip jatyr.
Aǵymdaǵy jyldyń aqpan aıynda Astana qalasy «Saryarqa» aýdany ákiminiń buıryǵymen «Saryarqa» aýdanynyń sý tasqynymen kúres komıssııasy bekitilip, táýlik boıy dıspetcherlik qyzmeti iske qosyldy, dep habarlaıdy Astana qalalyq TJD «Saryarqa» aýdandyq TJB baspasóz qyzmeti.
6 naýryzdan 24 sáýirge deıin kezekshilik bólimge sý aıdaý týraly 4 937 ótinish kelip tústi. 4 937 ótinish (100%) boıynsha jumystar júrgizilip, 13 290 metr sý júrgizý qubyry býlandyryldy jáne 3 281 tekshe metr usaq tas tóseldi.
Jeke sektor turǵyndary arasynda qar shyǵarý boıynsha habarlama taratý jumystaryn júrgizý úshin jáne sý tasqyny bolǵan jaǵdaıda saıajaı turǵyndaryn ózdiginen kóshirý úshin ekologııalyq tabıǵatty qorǵaý polıtsııasynyń qatysýymen mobıldi top quryldy. Barlyǵy 1,7 myń habarlama taratyldy.
