Astanadaǵy saýnalardyń birinde jezókshelerdiń ashynalyq qyzmetterin usynǵan «jeńgetaı» ustaldy - ІІD
ASTANA. 17 mamyr. QazAqparat /Jasulan Amanbaıuly/ - Astanadaǵy saýnalardyń birinde jezókshelerdiń ashynalyq qyzmetterin usynǵan «jeńgetaı» ustaldy.
Bul týraly búgin brıfıngte Astana qalalyq ishki ister departamenti memlekettik til jáne aqparat bóliminiń bastyǵy Nurdildá Oraz málim etti.
«Astana qalalyq ІІD uıymdasqan qylmyspen kúres basqarmasynyń qyzmetkerleri jedel-izdestirý sharasyn ótkizý barysynda aǵymdaǵy jyldyń 20 sáýirinde saǵat 19.30 shamasynda qaladaǵy saýnalardyń birinde jeńgetaılyq jasaǵany úshin 1980 jyly týǵan Astana qalasynyń turǵynyn ustady. Ustalǵan kelinshek óz klıentteriniń birine ashynalyq qyzmet kórsetý úshin 1986 jyly týǵan azamatsha «M» esimdi qyzdan 2 myń teńge kóleminde aqsha alǵanyn moıyndady»,-deıdi N. Oraz.
Qazirgi ýaqytta zattaı aıǵaqtar tárkilendi. «Jeńgetaıdyń» ústinen jezókshelikpen jáne jeńgetaılyqpen aınalysý úshin oryndar uıymdastyrý jáne ustaý boıynsha qylmystyq is qoǵalyp otyr. N. Orazdyń atap ótkenindeı, bul bapqa sáıkes oǵan aıyppul salynady nemese 3 jylǵa deıin bas bostandyǵynan aıyrý jazasy qoldanylýy múmkin.
