Astanadaǵy saýda jelisi muqtaj jandarǵa tegin nan taratýda

ASTANA. QazAqparat - Elorda ákimdiginiń bastamasymen uıymdastyrylǵan «Astana - meıirimdi qala» jalpyqalalyq qaıyrymdylyq aktsııasyna qala iskerleri de qoldaý kórsetýde, dep habarlaıdy qala ákimdiginiń saıty.

Aktsııaǵa alǵashqylardyń biri bolyp qosylǵan «5 mınýt» saýda-rıteıl jelisi qalanyń áleýmettik álsiz turǵyndary úshin tegin nan taratý boıynsha qaıyrymdylyq aktsııasyn qolǵa aldy. Muqtaj azamattarǵa arnalǵan tegin nan dúken sórelerine qoıyldy. Shara qaıyrymdy jandardyń jáne jeli ıesiniń qarjysyna iske asyrylýda.

Qazirgi kezde qaıyrymdylyq aktsııa kúndelikti negizde sýpermarketter jelisiniń úsh dúkeninde ótkizilýde, olardyń meken-jaılary: Jeńis dańǵyly, 55; І. Esenberlın k-si, 2/1; Ǵ. Mustafın k-si, 13.

«Astana - meıirimdi qala» aktsııasyna nıet bildirgen kez kelgen adam qatysa alady. Aktsııa týraly tolyq aqparatty Jumyspen qamtý, eńbek jáne áleýmettik qorǵaý basqarmasynan alýǵa bolady.