Astanadaǵy «Saryarqa» aýdanynyń HQKO jańa ǵımaratqa kóshti
ASTANA. QazAqparat - «Saryarqa» aýdanynyń HQKO qyzmetkerleri endi kúnine bir myńnan astam adamǵa qyzmet kórsete alady, dep habarlady astana.gov.kz.
1 sáýirden bastap Astana turǵyndary qajetti anyqtamalardy S-409 kóshesi (Seıfýllın kóshesiniń basy), 13 meken-jaıy boıynsha ornalasqan «Saryarqa» aýdanynyń Halyqqa qyzmet kórsetý ortalyǵynan alyp, qujattaryn rásimdeı alady, dep habarlady «HQKO» RMK baspasóz qyzmeti.
- Buǵan deıin atalmysh HQKO Bógenbaı batyr dańǵyly, 23 meken-jaıy boıynsha ornalasqan bolatyn, - delingen habarlamada.
Astana qalasy «HQKO» RMK bólimshesiniń dırektory Rýslan Aqtaevtyń aıtýynsha, halyqqa qyzmet kórsetý ortalyǵy jańa orynǵa avtokólik qoıý jáne tar ǵımarat máselesin sheshý, sondaı-aq, halyqqa qolaıly bolýy úshin aýystyryldy.
- Jańa HQKO-nyń zaly keń, 50 orynǵa eseptelgen avtokólik turaǵy bar, - dep habarlady R. Aqtaev.
Onyń aıtýynsha, jańa HQKO kún saıyn bir myńnan astam adamǵa qyzmet kórsete alady. Qyzmet alýshylarǵa yńǵaıly bolýy úshin barlyq elektrondy qyzmetterdi, onyń ishinde balany balabaqshaǵa kezekke qoıý, jeke nesıelik esep, meken-jaı anyqtamasy, zeınetaqy aýdarymdary anyqtamasyn alýǵa, nekeni tirkeýge ótinish berýge bolatyn «Connection Point» ózine-ózi qyzmet kórsetý sektory jumys isteıdi.
Aıta keteıik, qazirgi ýaqytta Astanada mamandandyrylǵan HQKO qosa alǵanda 6 Halyqqa qyzmet kórsetý ortalyǵy qyzmet atqarýda. Jyl basynan beri Astanadaǵy HQKO 800 myńnan astam qyzmet kórsetti, onyń 500 myńy elektrondy formatta.
