Astanadaǵy «Saryarqa» aýdanynda segiz turǵyn úı kesheni paıdalanýǵa beriledi
ASTANA. QazAqparat - Astanadaǵy «Saryarqa» aýdanynda segiz turǵyn úı kesheni paıdalanýǵa beriledi. Barlyq nysandardy aǵymdaǵy jyly iske qosý josparlanǵan, dep habarlaıdy Astana ákimdiginiń resmı saıty.
«Qazirgi ýaqytta jalpy aýdany 126,3 myń sharshy metrdi quraıtyn segiz turǵyn úı kesheniniń qurylysy júrip jatyr», - dep málimdedi aýdan ákimi Arman Turlybek halyq aldyndaǵy eseptik baıandamasynda.
Atap aıtqanda, Kenesary kóshesi men Saryarqa dańǵylynyń qıylysyndaǵy japsarlas úı-jaılary men parkıngi bar kóppáterli turǵyn úı kesheni (MTJ); Kenesary kóshesi men T.Shevchenko kóshesiniń qıylysyndaǵy japsarlas úı-jaılary men parkıngi bar MTJ; Tilendıev dańǵyly men Qaınar kóshesiniń qıylysyndaǵy japsarlas úı-jaılary men parkıngi bar MTJ; japsarlas úı-jaılary jáne Dáýletkereı kóshesi boıyndaǵy parkıngi bar MTJ; Sarybulaq kóshesi men Moskovskaıa kóshesiniń qıylysyndaǵy japsarlas «Saıran» birlestigi» JShS»; Pavlov kóshesi men Sh.Ýálıhanov kóshesi boıynsha «Garant» TA; Kartalınskaıa kóshesi boıynsha «Pana» TK.
Barlyq nysandardy iske qosý 2019 jylǵa josparlanǵan.
2018 jyly aýdanda jalpy aýdany 64386,6 sharshy metr 11 turǵyn úı salynyp, paıdalanýǵa berildi. Páterler sany - 693. Aýmaǵy 180008,6 sharshy metr áleýmettik, mádenı jáne turmystyq sıpattaǵy 54 nysan.
