Astanadaǵy Saraıshyq kópirin jóndeý qazan aıynyń sońyna deıin jalǵasady
NUR-SULTAN. QazAqparat – Elordadaǵy Saraıshyq kópirinde jóndeý jumystary qazan aıynyń sońyna deıin jalǵasady, dep habarlaıdy QazAqparat qala ákimdiginiń saıtyna silteme jasap.
Málim etilgendeı, avtomobıl kópiriniń bir bóliginde jóndeý jumystary aıaqtaldy.
«Osy jyldyń 16 qyrkúıeginen qazan aıynyń sońyna deıin jóndeý jumystary kópirdiń ekinshi jaǵynda júrgiziledi. Osyǵan baılanysty R.Qoshqarbaev dańǵylynan bastap Máńgilik el dańǵyly men Saraıshyq kóshesiniń qıylysyndaǵy kólik aıyrymyna deıingi ýchaskede qozǵalys ishinara jabylady.
Aıta keteıik, kópirde eki baǵytta da qozǵalys saqtalady. Qala joldarynda keptelis týdyrmaý úshin elorda turǵyndary men qonaqtaryna óz marshrýttaryn aldyn ala josparlaýǵa keńes beremiz», delingen habarlamada.
Eske salaıyq, Saraıshyq kópirine jóndeý jumystary 12 jyl buryn júrgizildi. Osy ýaqyt ishinde kópirde jaryqtar men shuńqyrlar paıda boldy.
Sondaı-aq astanada taǵy bir kóshe jóndeýge jabylady.
«Osy jyldyń 16-17 qyrkúıeginde jóndeý jumystarynyń júrgizilýine baılanysty Eńlik-Kebek kóshesiniń Bolashaq kóshesinen 189 kóshege deıingi aralyǵy kólik qozǵalysy úshin tolyǵymen jabylady», - dedi ákimdikten.
Foto: gov.kz
