Astanadaǵy «Sádýaqas qajy Ǵylmanı» meshitiniń bas ımamy aýysty

ASTANA. 6 jeltoqsan. QazAqparat - 2005 jyldyń sáýir aıynan beri «Sádýaqas qajy Ǵylmanı» meshitiniń Bas ımamy qyzmetin atqarǵan Baqtybaı Qydyrbaıuly Beısenbaev Qazaqstan Musylmandar dinı basqarmasynyń tóraǵasy, Bas múftı Erjan qajy Malǵajyulynyń buıryǵymen Almaty qalalyq Ortalyq meshitiniń naıb ımamy bolyp taǵaıyndaldy. Bul týraly muslim.kz saıty jazady.

«Búgin juma namazyna Qazaqstan musylmandary dinı basqarmasynyń Astana qalasy boıynsha ókili, «Nur-Astana» Ortalyq meshitiniń Bas ımamy Naýryzbaı Ótpenov ózi qatysyp, Baqtybaı Qydyrbaıulynyń dinı basqarmanyń jumystaryna qosqan mol úlesin aıtyp, Bas múftıdiń jáne Astana qalasyndaǵy musylman jamaǵatynyń atynan alǵysyn bildirdi. Biz de Astana qalasyndaǵy «Sádýaqas qajy Ǵylmanı» meshitiniń ujymy atynan qyrýar sharalardyń júzege asýyna basshylyq jasaǵan Baqtybaı Qydyrbaıulyna aq jol tileımiz. Alla budan keıingi din jolyndaǵy qyzmetine járdem berip, bıik belesterden kórinýdi násip etsin!» - dep jazady Áziret Sultan meshitiniń resmı saıty.

Sonymen qatar, «Sádýaqas qajy Ǵylmanı» meshitiniń bas ımamdyǵyna buǵan deıin Almaty qalalyq Ortalyq meshitte naıb ımam qyzmetin atqarǵan Sadyrhanov Jumanazar qarı Óserhanuly taǵaıyndalǵan.

Eske sala ketetin jaıt, jańylmasaq osymen Astana qalasyndaǵy úshinshi meshittiń bas ımamdary aýysyp otyr. Buǵan deıin «Nur Astana» jáne «Áziret Sultan» meshitiniń bas ımamdary aýysqan bolatyn.