Astanadaǵy S.Seıfýllın atyndaǵy QazATÝ-da tuńǵysh ret «Amal» merekesi ótedi
ASTANA. 12 naýryz. QazAqparat - 2012 jylǵy 14 naýryzda tuńǵysh ret Astana qalasynyń joǵary oqý oryndarynda oqıtyn elimizdiń Batys óńiriniń stýdentteri S.Seıfýllın atyndaǵy QazATÝ-ǵa jınalyp, «Amal» merekesin atap ótedi, dep habarlady joǵary oqý ornynyń baspasóz qyzmeti.
Sharaǵa qonaq retinde belgili aqyn Farıza Ońǵarsynova qatyspaq.
Qazaqstannyń Batys óńirinde Naýryz meıramy «Amal» dep atalatyn merekemen bastalady. 14 naýryz kúni oıdaǵy el qyrdaǵy elmen aralasyp, bir-birimen kórisedi. 14 naýryz halyq arasynda aıdyń birinshi jańasy bolyp eseptelgen. Muny keıde halyq arasynda «kórisý kúni» dep te ataıdy. Qystan qalǵan súr et qazanǵa salynyp, naýryz kóje pisiriledi. Mereke sońy kóńildi dýmanǵa jalǵasady. Úlkenderge arnaıy sálem bergen jastarǵa qarttar «Jas qutty bolsyn!» aıtysady.
Halqymyzdyń osy dástúri elordada alǵash ret Qazaq agrotehnıkalyq ýnıversıtetiniń agronomııa fakýltetinde saltanatpen ótkeli otyr.
