Astanadaǵy S.Seıfýllın atyndaǵy QazATÝ-da «Qazaqstan Respýblıkasy agrarlyq ýnıversıtetteriniń kúnderi» ótedi

dep habarlaıdy QazAqparat QazATÝ-dyń baspasóz qyzmetine silteme jasap.

Elimizde alǵash ret ótkizilgeli otyrǵan agrarlyq saladaǵy joǵarǵy oqý oryndarynyń kúnderine Almatydan Qazaq ulttyq agrarlyq ýnıversıtetiniń, Oraldan Jáńgir han atyndaǵy Batys Qazaqstan agrarlyq-tehnıkalyq ýnıversıtetiniń rektorlary bastaǵan delegatsııalar qatysady.

Basqosý kúnderi atalmysh oqý oryndar - agrarlyq ýnıversıtetterdiń bilim berý úrdisinde ınnovatsııalyq tehnologııalardy qoldaný, aýyl sharýashylyǵy salalaryna usynylatyn ǵylymı-zertteý jumystaryn ortaq baǵytta júrgizý, bilim sapasynyń monıtorıgi men menedjmenti, básekege qabiletti mamandar daıarlaý úshin aqparattyq resýrstar men ozyq tájirıbelerdi ortaq maqsatta paıdalaný, stýdent-jastar tárbıesi jáne basqa da máseleler jóninde tájirıbe almasady dep josparlanýda.

Osy baǵyttar boıynsha aldaǵy ýaqytta etene jumystar atqarý maqsatynda elimizdiń agrarlyq ýnıversıtetteri úsh jaqty kelisimge qol qoıatyn bolady.

Sondaı-aq is-sharalar sheńberinde, QR Ulttyq Ǵylym Akademııasynyń akademıkteri men JOO-lardyń ǵylym doktorlary jáne kandıdattarynyń dáristeri tyńdalyp, kafedralarda jumystyq kezdesýler, dóńgelek ústelder men kontserttik sharalar ótkizý kózdelýde.