Astanadaǵy S.Seıfýllın atyndaǵy QazATÝ-da Elbasynyń Joldaýy talqylandy
ASTANA. 2 aqpan. QazAqparat - Astanadaǵy S.Seıfýllın atyndaǵy Qazaq agrotehnıkalyq ýnıversıtetinde Prezıdent Nursultan Nazarbaevtyń bıyl Qazaqstan halqyna arnaǵan Joldaýy talqylandy.
Bul týraly ýnıversıtettiń baspasóz qyzmetinen habarlady.
Іs-sharaǵa JOO rektory Aqylbek Kúrishbaev, birinshi prorektor Aıtjan Ábdirov, professorlyq-oqytýshylar quramy men stýdentter qatysty.
Tarıh ǵylymdarynyń kandıdaty, tarıh kafedrasy oqytýshysy Sholpan Saıahımova «Áleýmettik-ekonomıkalyq jańǵyrtý - Qazaqstan damýynyń basty baǵyty» taqyrybynda baıandama oqydy. Sh.Saıahımova Elbasy Joldaýynyń árbir baǵytyna jeke-jeke toqtalyp ótti. Stýdentter de azamattyq belsendilik tanytyp, Joldaýdy qyzý talqyǵa saldy jáne Nursultan Ábishulynyń saıasatyn qoldaıtyndyqtaryn bildirdi.
Sharany qorytyndylaǵan rektor A. Kúrishbaev Elbasy Joldaýyndaǵy negizgi baǵyttardy atap ótti. Sondaı-aq «Ǵylym týraly» zańǵa toqtalyp, ýnıversıtettiń bul baǵyttaǵy josparymen tanystyrdy. Jospar maqsaty ǵylımı-zertteý ýnıversıtetin qurý bolyp tabylady. Joldaýda kóterilgen áleýmettik mańyzy joǵary - turǵyn úı máselesi de nazardan tys qalmady.
