Astanadaǵy Reseı azamattary Memlekettik dýmanyń depýtattaryn saılaýda
ASTANA. QazAqparat - Astana qalasyndaǵy Reseı azamattary RF Memlekettik dýmasynyń depýtattaryn saılaý úshin tańǵy saǵat 08.00-den beri saılaý ýchaskesine barǵan. Qazaqstan Respýblıkasynyń elordasynda júrgen reseılikter úshin Kenesary kóshesinde №8125 saılaý ýchaskesi ashylǵan bolatyn.
«Tańerteń daýys berýge kelgen azamattar sany az edi, túske taman halyq kóbeıdi. Saılaý kúni aıaqtalǵannan keıin tolyq aqparatty usyna alamyz. Astana qalasy boıynsha bir saılaý ýchaskesi jumys istep tur. Reseı azamattaryn konsýldyq mekemeler mindetti túrde tirkeýge alady degen talap joq, sondyqtan, biz aldyn ala tizim qura otyryp, 100-ge tarta azamat daýys beredi dep eseptedik. Kóbinese, Astanada memlekettik jáne elshilik qyzmet atqaryp júrgen reseılikter belsendilik tanytady»,-deıdi QazAqparat tilshisimen áńgimelesken Reseı Federatsııasynyń Qazaqstan Respýblıkasyndaǵy Tótenshe jáne ókiletti elshisi Mıhaıl Bocharnıkov.
Elshiniń deregine súıensek, jalpy Qazaqstan boıynsha Memlekettik dýmanyń saılaýy úshin 18 saılaý ýchaskesi jasaqtalǵan eken. Tek Baıqońyr qalasy ǵana ázirge konsýldyq mekemeniń jaýapkershiligine enbegen aımaq retinde, RF Ortalyq saılaý komıssııasymen tikeleı jumys istep tur,-dep túsindirdi M. Bocharnıkov.
Esterińizge sala keteıik, Reseı Federatsııasy Federaldy jınalysynyń memlekettik dýmasyna kezekti depýtattardy saılaý naýqany 2016 jyldyń 18 qyrkúıegine belgilengen bolatyn. Memlekettik dýmaǵa 450 depýtattyń 225-i partııalyq tizim boıynsha, qalǵan 225 depýtat bir mandatty okrýg boıynsha saılanady.
