Astanadaǵy Ramada Plaza-ǵa ІІD-men qatar Bas prokýratýra da úmitker bolyp otyr
ASTANA. QazAqparat - Astana qalalyq Іshki ister departamentine Ramada Plaza qonaqúıiniń berilý máselesi áli sheshimin tapqan joq, dep habarlaıdy QazAqparat Elorda Aqparat-qa silteme jasap.
Bul týraly elorda ákimdiginde ótken brıfıngte Astana qalalyq ІІD bastyǵynyń orynbasary Sabyr Júsipbekov málim etti.
«Ramada plaza» memlekettik múlik ıeliginde tur. Qazir ony ákimdikke berý máselesi sheshilip jatyr. Ǵımarat o basta qonaqúı kesheni retinde salynǵan, Іshki ister departamentine berilý úshin oǵan kúrdeli jóndeý (rekonstrýktsııalaý) qajet. Ne úshin ekenin ózderińiz túsinesizder... Eger ǵımaratty berse, erteń-aq kóship bara almaımyz. Eger bári oıdaǵydaı bolsa, keler jyldyń ortalaryna qonystanýymyz yqtımal», - dedi ol.
Sabyr Júsipbekov ǵımaratqa Bas prokýratýranyń akademııasy kóship barýy de múmkin ekenin aıtty.
«Sheshim qabyldanǵan, biraq toq eterlik emes. Ǵımaratqa Bas prokýratýra da úmittenip otyr. Olar óz akademııasyn ornalastyrǵysy keledi. Ol jerde májilis zaly, synyptarǵa arnalǵan ǵımarat, sportzal, basseın bar», - deıdi S. Júsipbekov.
Onyń sózine qaraǵanda, Іshki ister departamentiniń jańa ǵımaratyn salý jobasy daıyn, biraq oǵan ázirshe qarajat joq.
