Astanadaǵy problemaly nysandarda qurylys qaıta jandanady
ASTANA. QazAqparat - Qazan aıynyń basynda Astanada qurylysy aıaqtalmaı qalǵan nysandardyń jármeńkesi ótedi. Jármeńkeni Astana qalasy ákimdigimen qalalyq prokýratýra birlesip ótkizedi, dep habarlaıdy Astana qalasy ákimdiginiń medıa ortalyǵy.
Osyǵan deıin ótken eki jármeńkede problemaly 17 nysan aýktsıonǵa shyǵarylǵan bolatyn. Sonyń jeteýin jármeńkege qatysqan qurylys kompanııalary alǵan. ıAǵnı qurylysty jalǵastyratyn ınvestorlar tabylǵan.
Al, osy joly ótetin jármeńkege turǵyn úı kooperatıvteri qurylysy toqtap turǵan 13 nysandy shyǵarady. Olar: «Turan Syǵanaq», «Trıýmf Esıl», «Zere 2», «Magıstralnyı», «ARABI 2», «Úmit Bereke», «Anısa 2,3», «Moı mırnyı dom», «Jańa Otan», «Aqnıet Ekspo», «Rýr Nýrhat», «Tamasha úı», «Ýspeshnyı dom» nysandary.
Qurylysy aıaqtalmaǵan nysandar jármeńkesine qatysýǵa 30 qurylys kompanııasy shaqyrylǵan.
«Biz problemaly nysandardy jármeńkege daıyndaımyz, al memlekettik sáýlet-qurylys baqylaý basqarmasy qurylys kompanııalaryn sharaǵa qatysýǵa shaqyrady. Jármeńkege qatysýǵa nıet bildirgen kompanııalar nysandar týraly jan-jaqty aqparat alyp, óz sheshimderin aıtady», - dep habarlady «ODA» úleskerler qoǵamdyq birlestiginiń tóraıymy Tatıana Chýrsına.
Qazir jármeńkege shyǵarylatyn 13 nysan boıynsha úleskerlerdiń talap-aryzdary qanaǵattandyrylǵan. ıAǵnı bul nysandar endi úleskerlerdiń ózderine tıesili. Bul jumys qalaı júzege asatyny týraly «ODA» úleskerler qoǵamdyq birlestiginiń tóraıymy Tatıana Chýrsına aıtyp berdi.
«Biz problemaly nysandardy jármeńkege shyǵaramyz, al nysanǵa kóńil aýdarǵan qurylys kompanııalary qarastyryp otyrǵan nysan týraly jan-jaqty aqparat alady jáne óz usynystaryn aıtady ári kelissóz júrgizedi. Eger nıet bildergen qurylys kompanııa nysannyń alǵashqy jobalaý úlgisin ózgertý, keńeıtý, qosymsha ǵımarat jalǵaý boıynsha usynystar aıtsa, ony qarastyramyz. Onyń barlyǵy úleskerlermen kelisip sheshiledi. Úleskerler ınvestordyń usynysyn qabyl alýǵa nıetti bolýy tıis. Óıtkeni, bizge nysannyń qurylysy júrip, tezdetip berilgeni jaqsy», - deıdi tóraıym.
Aıta ketken jón, mundaı jármeńke osymen úshinshi márte ótkeli otyr. Al osyǵan deıingi jármeńkede ınvestorlar alǵan nysandarda qurylys jumystary qyzý júrýde.
