Astanadaǵy Prezıdenttik mádenıet ortalyǵynda halyqtyq qolónerdiń kórmesi ashyldy

Atalǵan ortalyqta jurtshylyqtyń nazaryna sándik-qoldanbaly ónerdiń, teriden, aǵashtan, kıizden jasalǵan buıymdar men zergerlik zattar jáne keramıkalyq ónimder usynyldy.

Munymen qosa, kórme ekspozıtsııasynda L.N. Gýmılev atyndaǵy Eýrazııa ulttyq ýnıversıteti stýdentteri salǵan sýretter men sáýlettik jobalar kórsetilimge qoıyldy.

«Sharanyń negizgi maqsaty - qoldanbaly ónerdi damytý men keńinen nasıhattaýǵa yqpal etýge, sondaı-aq jas talanttardy tanýǵa negizdelip otyr», - deıdi «Altyn Kún» qoǵamdyq qorynyń jetekshisi Erkebulan Kenjebolatov. Kórmeni QR Mádenıet mınıstrligi uıymdastyrdy.