Astanadaǵy pıramıdanyń qalaı ózgeretini belgili boldy
ASTANA. QazAqparat -Beıbitshilik jáne kelisim saraıynyń ishki kórinisi jańa mazmunǵa ıe bolady, dep habarlaıdy Astana ákimdiginiń resmı saıty.
«Qulanshy» zamanýı óner ortalyǵynyń jetekshisi Leıla Mahat Beıbitshilik jáne kelisim saraıynyń qyzmeti qalaı ózgeretinin aıtty.
«Biz nysandy jańa energııamen tolyqtyrýdy josparlap otyrmyz. Munda sáýletshi Norman Foster oılap tapqan stılge sáıkes keletin barlyq bólmelerdiń ádemi, jaıly bolýyn qalaımyz. Kontserttik jáne kórme baǵdarlamalary, áleýmettik jobalardyń úılesimdiligi mańyzdy», - deıdi L.Mahat.
Pıramıdada sondaı-aq kovorkıng ortalyǵyn qurý josparlanýda.
«Barlyǵy bir maqsat jolynda jumys isteýi kerek. Ol - beıbitshilik pen kelisim saraıyn oń jáne durys energııamen toltyrý», - dedi L.Maxat. Sonymen qatar, qala ákimdigi Prezıdenttik saıabaqty jáne irgeles aýmaqty qaıta jańartýdy josparlap otyr.
«Biz jobany júzege asyratyn avtordy anyqtadyq. Oǵan «Entsıklopedııa saıabaq», «Ejelgi óner jáne tehnologııalar murajaıy» syndy tolyqtyrýlar engiziledi. Avtorlar keste daıyndap, qurylys eki kezeńge bólindi. Saıabaq pen oǵan irgeles aýmaqtar jańartylady», - dedi qalalyq sáýlet, qala qurylysy jáne jer qatynastary basqarmasynyń basshysy Baqtybaı Taıtalıev.
Qala ákimi Baqyt Sultanov saraıdyń qyzmetimen tanysyp, onyń ishki ózgeristeri boıynsha usynylǵan tujyrymdamany qoldap, «erkindik úshin» jáne «Arteria»kórmelerin zerdeledi.
Sonymen qatar, qala basshysy ǵımaratqa tolyq tehnıkalyq saraptama júrgizýdi tapsyrdy.
