Astanadaǵy páterlerdiń birinen 30 mıllıon teńgeniń dúnıe-múlkin urlaǵan qylmystyq top ókilderi quryqtaldy
ASTANA. Aqpannyń 23-i. QazAqparat /Aıdar Ospanalıev/ - Astanadaǵy páterlerdiń birine túsip, páter ıesiniń 30 mıllıon teńgege jýyq dúnıe-múlkin urlaǵan 4 adamnan turatyn qylmystyq top ókilderi quryqtaldy,
dep habarlaıdy QazAqparat.
Elordalyq Іshki ister departamenti ókilderiniń málimetterinshe, tonaýshylar 22 men 24 jas aralyǵyndaǵy jastar bolyp otyr. Olardyń barlyǵy Astanada ýaqytsha turyp jatqan jáne buryn sottalmaǵan azamattar bolyp shyqty. Tekserý kezinde qylmystyq top quramynda áıel azamattyń bolǵany anyqtaldy. Olardy tutqyndaý kezinde top múshelerinen úlken kólemde aqsha men jábirlenýshiniń «Toıota» avtokóligi ıesine qaıtaryldy.
Aldyn ala tergeý málimetterine qaraǵanda, urylar ózderi tonamaq bolǵan páterlerin aldymen anyqtap, barlap alatyn bolǵan. Bul maqsatty túbegeıli, ári eshkimge bildirmeı oryndaý úshin nysanaǵa alynǵan páterge áıel azamat bala kútýshi nemese úı qyzmetshisi bolyp ornalasqan. Osy qyzmette júrip, ol úıdegi barlyq qundy zattar men áshekeı buıymdarynyń qaıda saqtalatynyn anyqtap bilip otyrǵan. Tergeý barysynda atalmysh qylmystyq toptyń byltyrǵy jyly da páter tonaýmen aınalysqandyǵy anyqtaldy.
