Astanadaǵy Pákistan úshin mańyzdy ShYU sammıtine Navaz Sharıf keledi

ASTANA. QazAqparat - Pákistannyń Premer-mınıstri Navaz Sharıf 8-9 maýsym kúnderi ekikúndik saparymen Qazaqstanǵa kelip, Shanhaı yntymaqtastyq uıymy sammıtine qatysady, dep habarlaıdy The Nation .

Úndistan jáne Pákistandy Shanhaı yntymaqtastyq uıymyna qabyldaý rásimi 8-9 maýsym kúnderi atalǵan uıymǵa múshe-elderdiń basshylarynyń qatysýymen Astana qalasynda ótetin sammıtte ótedi dep kútilýde. 

«ShYU keńeıtý máselesi búgingi tańda sózsiz ózekti másele. ShYU-yna múshe-elder basshylarynyń 2005 jyldyń shilde aıyndaǵy Astana qalasynda ótken keńesiniń otyrysynda Úndistan men Pákistan baqylaýshy-elder mártebesine ıe boldy. Alda ótetin ShYU sammıti barysynda biz uıymymyzdyń osy kezeńdegi keńeıýiniń kýási bolamyz», - dedi Qaırat Abdrahmanov sáýir aıynda ótken Shanhaı yntymaqtastyq uıymyna múshe-elderdiń Syrtqy ister mınıstrleriniń keńesinde.