Astanadaǵy oıyn-saýyq ortalyǵynan 20 mln. teńgege jýyq aqsha tonaldy

Astana qalasynyń Almaty aýdandyq ІІB-nen habarlaǵandaı, belgisiz bireýler oıyn-saýyq kesheniniń qyzmetshisine kúsh qoldanyp, shamamen 19 mln. teńge men 4500 AQSh dollaryn alyp ketken.

Tergeý basqarmasynyń qyzmetkerlerimen júrgizilgen jedel is-sharalardyń nátıjesinde qaraqshylyq shabýyl jasaǵan eki jigit anyqtaldy. Onyń biri aǵymdaǵy jyldyń naýryz aıynda ǵana jazasyn ótep shyqqan 1987 jylǵy azamat. Ekinshisi buryndary sotty bolmaǵan 1990 jylǵy Jambyl oblysynyń týmasy.

Kúdikti eki jigit 6 táýlikten soń Almaty qalasynda ustaldy. Qazirgi ýaqytta olardan jaýap alynýda.

Osy fakt boıynsha qylmystyq is qozǵaldy. Kúdiktiler Astana qalalyq ІІD-niń ýaqytsha ustaý abaqtysyna qamaldy.