Astanadaǵy Otan qorǵaýshylar monýmenti alańynda Qazaqstan halqy birligi kúni merekesi atap ótilýde

Almaty aýdany ákimdiginiń uıymdastyrýymen ótip jatqan merekelik kontsertte Memlekettik fılarmonııa men «Jastar» mádánıet saraıynyń ártisteri, sondaı-aq №2 óner mektebiniń tárbıelenýshileri óner kórsetýde.

Al sporttyq múmkindikterin kórsetemin deýshiler úshin munda qol kúresi, kir tasyn kóterý, arqan tartysý men aýdaryspaqtan jarystar uıymdastyryldy. Sondaı-aq turǵyndar, aýdan kásipkerleriniń aspazdyq sheberlikpen ázirlengen ónimderinen dám tata alady.

Barsha qazaqstandyqtardy aıtýly merekemen quttyqtaǵan aýdan ákiminiń orynbasary Túsip Ryspekov: «Qazaqstannyń gúldenýine árbir ult ókili ózderiniń úlken úlesterin qosyp jatyr, sondyqtan búgingi toı solardyń qurmetine arnalǵan. Denderine saýlyq, ashyq aspan astyndaǵy beıbit ǵumyr máńgilikke jalǵassyn», degen tilegin bildirdi.

Otan qorǵaýshylar alańyna jınalǵan buqara, Qazaqstannyń táýelsiz aspanynyń astynda dostyqta ómir súrip jatqan konfessııalardyń yntymaǵyn odan saıyn nyǵaıta túsýge baǵyttalǵan bul merekeni erekshe kóńil-kúımen atap ótetinin aıtýda. Máselen, uzaq jyldar boıy bilim salasynda eńbek etken Jahanger Baısultanqyzy: «Meıirimdilik pen júrek jylýy, beıbitshilik pen úmittiń bul merkesi tek bizdiń elimizdiń ǵana emes, sonymen qatar týysqan jáne kórshiles memleketter halyqtarynyń meıramy. Qazaq halqy onyń jerin meken etken barsha ult ókiline, onyń dini men tiline úlken qurmetpen qaraıtynyn dáleldeý úshin eldiń barlyq óńirlerinde Ulttyq mádenı birlestikterdi qurdy», - dep atap ótti.

Sondaı-aq óziniń jyly lebizderin, zeınetker Vıtalıı Chertov ta bildirdi. V.Chertov búgingi Astana jerinde 50 jyldan astam ýaqyt boıy turyp keledi. «Ózimniń ómirimde jáne eńbek jolymda ulttary bólek jandardyń biri-birine aýyr sóz aıtyp, renjiskenin estip, kórgen emespin. Kerisinshe, bir-birimizge qajet kezde demeý kórsetip júrdik. Osy dostyqta balalarymdy ósirip, búgingi kúni nemereler súıip otyrmyn», - deıdi zeınetker.