Astanadaǵy orys drama teatrynda jańa maýsym ashylady
ASTANA. QazAqparat - 15 qyrkúıekte saǵat 19.00 M. Gorkıı atyndaǵy Memlekettik akademııalyq orys drama teatrynda 116-shy maýsymnyń shymyldyǵy ashylady. Bul týraly qala ákimdiginiń saıty habarlady.
Elorda turǵyndary men qonaqtarynyń nazaryna amerıkandyq komedıograf Ken Lıýdvıgtiń «Prımadonny» komedııasy usynylady. Qoıýshy rejısser - QR eńbek sińirgen ártisi - Bekpýlat Parmanov. Qoıýshy sýretshi - QR Mádenıet qaıratkeri Qanat Maqsutov.
Jańa maýsymnyń ashylýynda teatr ujymy óz kórermenderin jańa qoıylymdarmen qýantyp úlgerdi. 9 qyrkúıekte M. Gorkıı atyndaǵy MODT teatrdyń shyǵarmashylyq ujymy men QR Italııa elshiliginiń «Byt Leonadro da Vınchı: nevozmojnoe ıntervıý» birlesken jobasynyń tusaýkeseri ótti. Italıandyq akter Massımılıano Fınadzer Florı jáne teatr akteri Maksım ıAşenko tanymal sýretshi ári fılosoftyń ómiri jaıly suhbat túrinde jetkizdi.
Ótken jeksenbide teatr ujymy TMD-nyń qurylǵanyna 25 jyl tolýyna oraı uıymdastyrylǵan «Belaıa Veja» halyqaralyq teatr festıvali aıasynda Brest teatrynyń sahnasynda (Belarýs Respýblıka) «ıAzychnıkı» (avt. A.ıAblonskaıa, rej. I.Vaıtkýs) qoıylymyn kórsetti. Eýropalyq synshylar elordalyq teatrdyń qoıylymyna joǵary baǵa berse, Máskeý, Lıtva, Polsha, Mınsktiń jetekshi teatrlarynyń sarapshylary spektaklde qoldanylǵan jaryq pen dybysty erekshe atap ótti, teatr festıvaldiń arnaıy dıplomymen marapattaldy.
15 qyrkúıekte ártister kórermender nazaryna K.Lıýdvıgtiń «Prımadonny» komedııasyn usynady, spektakldiń tusaýkeseri bıyl naýryz aıynda ótken bolatyn.
