Astanadaǵy Orys drama teatry O. Bókeıdiń «Ataý keresin» sahnalamaq
ASTANA.20 maýsym. QazAqparat - 21 jáne 22 maýsym kúnderi Astanadaǵy M. Gorkıı atyndaǵy memlekettik akademııalyq orys drama teatrynda Oralhan Bókeıdiń «Ataý kere» povesiniń jelisi boıynsha qoıylǵan «Poslednee prıchastıe» dramasynyń tusaýkeseri ótedi.
Bul týraly teatrdyń baspasóz bóliminen málimdedi.
«Poslednee prıchastıe» dramasy Otan, ata-baba ónegesi men bolashaq urpaqtyń baılanysy, adamdar arasyndaǵy kúrdeli qarym-qatynas, «kúshtiler» men «adasqandardyń» minez-qulyq qaıshylyqtary, eń bastysy, kúres, mahabbat pen úmit týraly», - delingen habarlamada.
«Ataý-Kere» qoıylymyn sahnalaýǵa tanymal qazaqstandyq rejısser, Qazaqstan Respýblıkasynyń eńbek sińirgen óner qaıratkeri Nurqanat Jaqypbaı shaqyryldy. Qoıýshy-sýretshi - QR mádenıet qaıratkeri Qanat Maqsutov.
Aıta ketý kerek, qoıylym alǵash ret orys tilinde sahnalanyp, kórsetiledi jáne Astananyń 15 jyldyǵyna arnalady.
