Astanadaǵy órtte úsh balany qurylysshylar qutqarǵan - TJD
ASTANA. QazAqparat - Astana qalasy tótenshe jaǵdaılar departamentiniń ókilderi «Nova City» turǵyn úı kesheninde bolǵan órtten úsh bala men áıeldi qurylysshylar qutqarǵanyn málimdedi, dep habarlaıdy QazAqparat tilshisi.
«2018 jyly 2 naýryzda saǵat 14:19-da órt baılanysy ortalyq beketine E38 kóshesi, 30/1 mekenjaıyndaǵy «Nova City» turǵyn úı keshenindegi páterde órt shyqqany týraly habar keldi. Órt bolǵan jerge saǵat 14:20-da 4 negizgi, 3 arnaıy órt kóligi jáne jeke quramnyń 26 qyzmetkeri jiberildi. Barlyǵy 5 adam qutqaryldy. Órt sóndirýshiler jetkenge deıin 4 adam: bir áıel jáne 2010, 2013 jáne 2016 jylǵy úsh bala qutqarylǵan. Keıin qutqarýshylar 1944 jyly týǵan keıýanany da qaýipsiz jerge shyǵardy», - deıdi Astana TJD-nyń resmı ókili Aıagóz Fazylova.
Onyń aıtýynsha, kóp qabatty turǵyn úıdiń 7-qabatyndaǵy páterdiń balkonyndaǵy turmystyq buıymdar órtengen, jalyn 15 sharshy metrdi sharpyǵan. Órt 14:52-de tolyqtaı sóndirilgen.
