Astanadaǵy órtenip jatqan burynǵy áskerı komıssarıat ǵımaratynda dánekerleý jumystary júrgizilip jatqan - Saryarqa aýdanynyń ákimi S.Mustafına
ASTANA. Mamyrdyń 12-si. QazAqparat /Qanat Qulshymanov/ - Astanada Zataevıch kóshesidegi burynǵy áskerı komıssarıat ǵımaraty órtenip jatqanyn QazAqparat budan buryn habarlaǵan bolatyn.
«Burynǵy áskerı komıssarıat ǵımaratyn balabaqshaǵa aınaldyrý úshin onda kúrdeli jóndeý jumystary júrgizilip jatqan edi», - dep habarlady QazAqparat tilshisine elordalyq Saryarqa aýdanynyń ákimi Sábılıa Mustafına.
Onyń aıtýynsha, ǵımaratta dánekerleý jumystary júrgizilip jatqan. «Odan keıin naqty ne bolǵanyn men qazir aıta almaımyn. Qazir órt sóndirilip jatyr», - dedi S.Mustafına óz sózinde.
