Astanadaǵy ortalyq saıabaqqa qaraqýlar jiberiledi
ASTANA. QazAqparat - Erteń, mamyrdyń 20-sy kúni Halyqaralyq saıabaqtar merekesi aıasynda resmı túrde Astanadaǵy barlyq bes saıabaqtyń jumysy bastalady. Ákimdik qala turǵyndary men qonaqtary úshin jańa oıyn- saýyq baǵdarlamasyn daıyndap qoıdy, dep habarlaıdy QazAqparat tilshisi Astana qalalyq mádenıet basqarmasyna silteme jasap.
«Erteń, 20 mamyrda barlyq bes saıabaq - Astanalyq, Jeruıyq, Stýdenttik, Prezıdenttik jáne Araıda jazǵy maýysymnyń ashylýy bolady. Bıyl jańa atraktsıondar, sondaı-aq árbir saıabaqtyń jeke oıyn-saýyq baǵdarlamasy bolady. Máselen, ekstrımdi jaqsy kóretinder úshin «Amerıkandyq tóbeshikter» jáne «5 element» sııaqty atraktsıondar jumys isteıdi. Al búldirshinder zymyranmen usha alady. Astanalyq saıabaqtyń áýitine aqqýlarmen birge qaraqýlar da jiberiledi. Budan bólek, aıdarly úırek sııaqty tórt ekzotıkalyq qustar bolady», - delingen basqarmanyń resmı habarlamasynda.
