Astanadaǵy ortalyq bazarǵa baratyn kópir eki kúnge jabylady
ASTANA. QazAqparat - Astana qalasynyń Avtomobıl joldary basqarmasynyń habarlaýynsha, Gastello kóshesi arqyly ótetin Bógenbaı batyr dańǵyly boıyndaǵy estakadanyń (kópir) deformatsııalyq qospasynda aqaýlardy joıý boıynsha jóndeý jáne qalpyna keltirý jumystar júrgizý josparlanǵan.
«Osyǵan baılanysty, aqpan aıynyń 24-i men 25-i kúnderi Sh. Ýálıhanov kóshesiniń aldynda estakadanyń qozǵalys bóligi jartylaı jabylatyn bolady», dep habarlaıdy qala ákimdiginiń saıty .
Basqarma elorda turǵyndary men qonaqtarynan keptelis týdyrmaý úshin jol qozǵalysy baǵyttaryn aldyn ala josparlaýdy suraıdy.
