Astanadaǵy órt sebebin quzyrly organdar óte muqııat tekseredi dep senemiz - Dáýren Abaev
ASTANA. QazAqparat - QR Aqparat jáne kommýnıkatsııalar mınıstri Dáýren Abaev Astanadaǵy qaıǵyly oqıǵaǵa baılanysty kóńil aıtty, QazAqparat tilshisi.
"Búgin Astanada qaıǵyly oqıǵa boldy. Osyǵan balanysty balalardyń ata-anasyna, týǵan-týystaryna kóńil aıtamyn. Órt shyqqan kezde kishkentaılardyń ata-anasy jumysta boldy. Osy jaǵdaıǵa baılanysty búgin Ortalyq kommýnıkatsııalar qyzmetiniń alańynda arnaıy baspasóz jıyny ótedi. Órttiń shyǵý sebepterin quzyrly organdar óte muqııat tekserip, naqty aqparat beredi dep senemiz. Óte qaıǵyly jaǵdaı. Balalarymyzǵa, olardyń ómirine saq bolaıyq", - dedi D.Abaev Astanada ótken baspasóz máslıxatynda.
Mınıstrdiń aıtýynsha, Astana ákimdigi balalardy jerleýdiń barlyq shyǵyndaryn óteıtin boldy. Al ata-analarǵa kásibı psıxologııalyq kómek berilýde.
"Ákimdik barlyq sharalardy atqaryp jatyr", - dep atap kórsetti D.Abaev.
Aıta keteıik, 4 aqpan kúni túnde elordanyń Saryarqa aýdanyndaǵy Kóktal-1 turǵyn alabynda órt shyqty. Órtti sóndirý barysynda 2006, 2008, 2014, 2016, 2018 jyly dúnıege kelgen 5 qyz balanyń denesi tabyldy. Eń kishisi nebári 11 aılyq sábı edi. Órt kezinde bes balanyń ata-anasy túngi jumysta bolǵan.
