Astanadaǵy órt: Balalar zardap shekken joq
ASTANA. QazAqparat - Astana qalalyq bilim basqarmasy balalar úıinde shyqqan órtke qatysty tyń derektermen bólisti, dep habarlaıdy QazAqparat.
Basqarma málimetinshe, balalar úıinde 89 tárbıelenýshi bar. olar 6 kottedjde turady.
«Órt shyqqan kezde 10 bala ákimshilik ǵımarattaǵy úıirmede bolǵan jáne olar birden qaýipsiz jerge shyǵaryldy. Balalardyń eshqaısysy zardap shekken joq. Al qalǵan balalar mektepte sabaqta bolǵan», - deıdi basqarmadaǵylar.
Buǵan deıin elordadaǵy №1 balalar úıinen órt shyqqanyn habarlaǵan bolatynbyz.
Órt saǵat 12:43-te sóndirildi. Shamamen 30 sharshy metr jerdi sharpyǵan jalyndy sóndirýge Astana órt sóndirý qyzmeti jeke quramynyń 40 qyzmetkeri jáne 8 tehnıkasy jumyldyryldy.
