Astanadaǵy «Ońtústik-Shyǵys» aýdany aldaǵy 10 jylda súrilmeıdi – ákim orynbasary

NUR-SULTAN. QazAqparat - Nur-Sultan qalasynyń bas josparynda «Ońtústik-Shyǵys» turǵyn alabyndaǵy úılerdi buzý qarastyrylǵan, dep habarlaıdy QazAqparat tilshisi.

«Ońtústik-Shyǵystyń» aýmaǵy úlken, onda resmı túrde 120 myńǵa jýyq halyq turady. Aımaqta osynsha halqy bar eldimeken úlken aýdan nemese tipti qala sanalar edi. Kem degende taıaýdaǵy 10 jylda «Ońtústik-Shyǵysty» buzý máselesi kún tártibinde turǵan joq. Iá, bas josparda buzý qarastyrylǵan, Shubar yqshamaýdany boıynsha da osyndaı jaǵdaı týyndap tur. Birinshiden, bul - qymbat, ekinshiden, qalany damytýǵa jer jetkilikti, bos jer telimderi bar, rezerv bar, sondyqtan bul másele dál qazir kúıip turǵan joq», - dep habarlady qala ákiminiń orynbasary Erlan Bekmýrzaev «Atameken» kásipkerler palatasynyń elordalyq fılıalynda ótken bıznes ókilderimen kezdesýde.

«QazAqparat» agenttiginiń resmı saýalyna jaýap retinde berilgen bas jospardyń derekterine sáıkes, qalanyń ártúrli bólikterindegi basqa da jeke úıler buzylýǵa jatady.

Zarechnyı kentinde 2025 jylǵa deıin 30,7 ga jáne 2035 jylǵa deıin 18,5 ga aýmaqta úılerdi buzý qarastyrylǵan.

Sondaı-aq, saıajaılardy Kóktal saıabaǵyna qaraı, 189 kósheden tómen – 67,3 jyldan 25 jylǵa deıin, 189 kósheden joǵary - 63,4 ga 2025 jylǵa deıin buzý josparlanyp otyr.