Astanadaǵy onkologııalyq ortalyq, aýrýhana men emhana senimdi basqarýǵa berilmek
ASTANA. QazAqparat - Elorda ákimdigi qalanyń birqatar medıtsınalyq mekemesin senimdi basqarýǵa berýdi josparlaýda.
Bul jaıynda qalalyq densaýlyq saqtaý basqarmasy taratqan aqparatta aıtylǵan, dep habarlaıdy QazAqparat.
«Kelesi densaýlyq saqtaý nysanyn senimdi basqarýǵa berý týraly sheshim qabyldandy: «Demeý» otbasylyq medıtsınalyq oqý-tájirıbelik ortalyǵy» MKK, «Okologııalyq ortalyq» MKK, «№1 qalalyq emhana» MKK (bul nysandar úshin JCI halyqaralyq standartyn engizý mindetti shart sanalady), «№6 emhana» MKK», - delingen habarlamada.
Munan bólek, aǵymdaǵy jyly «Stomotologııa» oqý-klınıkalyq ortalyǵy» JShS-in jekeshelendirip, bastapqy medıtsınalyq kómektiń qol jetimdiligin 20 mınýttyń ishinde qamtamasyz etý úshin «Úı dárigeri» aýqymdy jobasyn bastaý josparlanǵan.
Aıta keteıik, Astana ákimdigi «Demeý» otbasylyq medıtsına ortalyǵynyń ǵana senimdi basqarýǵa beriletindigin habarlaǵan bolatyn.
