Astanadaǵy «Olımpıada kúni» ortalyq stadıonda ótedi
ASTANA. 17 mamyr. QazAqparat - Mamyrdyń 19-y kúni respýblıka boıynsha «Olımpıada kúni» is-sharasy ótedi. Astanada osy sport merekesine arnalǵan bástkeler Qajymuqan Muńaıtpasov atyndaǵy ortalyq stadıonda uıymdastyrylady.
QR Ulttyq Olımpıada komıtetiniń Astanadaǵy bólimshesiniń tóraǵasy Qýandyq Eljanovtyń habarlaýynsha, merekelik is-sharaǵa el maqtanyshtary - Olımpıada chempıondary shaqyrylyp otyr. Olardyń ishinde erkin kúresten Olımpıada chempıony ıÝrıı Melnıchenko, palýan Georgıı Tsýrtsýmııa, boksshy Baqyt Sársekeev jáne taǵy basqalar bar. «Olar «Olımpıada kúnine» qatysqandardyń bárine óz qoltańbalaryn taratatyn bolady. Negizgi maqsat - jastardy, jalpy, barlyq qazaqstandyqtardy sportqa tartý, salaýatty ómir saltyn nasıhattaý», - deıdi Q.Eljanov.
Aıta keteıik, «Olımpıada kúni» aıasynda depýtattar, Olımpıada chempıondary jáne buqaralyq aqparat quraldary ókilderiniń 400 metr qashyqtyqqa júgirý saıysy ótedi.
