Astanadaǵy oqys oqıǵalardyń 95%-y qurylys alańdarynda oryn alady
ASTANA. QazAqparat - Astanadaǵy oqys oqıǵalardyń 95%-y qurylys alańdarynda oryn alady. Munyń sebebi - qurylys qarqynynyń kúshtiligi, merdigerdiń sýbmerdiger tartýy jáne jumysshylardyń biliktilik deńgeıiniń tómendigi. Bul týraly «Nur Otan» partııasy Astana qalalyq fılıalynda ótken depýtattyq fraktsııa otyrysynda qalalyq eńbek ınspektsııasy basqarmasynyń basshysy Ermek Ospanov málim etti.
«Qazirgi kezde Astanada óndiristik jaraqat alý jaǵdaılary kóbeıip ketti. Bul memlekettik organdardyń da, qoǵamnyń da alańdaýshylyǵyn týdyrýda. 2014 jyldyń basynan beri Astanadaǵy qurylys alańdarynda 45 oqys oqıǵa bolyp, 65 adam zardap shekti. Olardyń 14-i qaza taýyp, 44-i túrli dene jaraqatyn aldy. Oqys oqıǵalardyń 95 paıyzy qurylys alańdarynda oryn alyp jatyr», - dedi E. Ospanov.
Onyń aıtýynsha, óndiristik jaraqat alýdyń negizgi sebebi - qurylys alańdaryndaǵy jumystardyń qarqyndy júrgizilýi jáne qaýipsizdik sharalarynyń tolyq saqtala bermeıtindigi.
«Sonymen qatar, qurylystaǵy oqys oqıǵalardyń oryn alýyna bas merdigerdiń memlekettik lıtsenzııasy joq sýbmerdigerlerdi jaldaýy, al olardyń óz kezeginde qurylys alańdaryna qaýipsizdik erejelerin qalaı saqtaýdy bilmeıtin «jabaıy brıgadalardy» tartýy da úlken sebepker bolýda», - deıdi E. Ospanov.
Onyń málimetinshe, Astanadaǵy qurylys nysandarynda joǵary jáne orta bilikti qurrrylysshylardyń úlesi 30 paıyzdan aspaıdy. Al qurylys mamandyǵy joq jáne qurylys alańyna eshbir daıyndyqsyz keletin jumysshylar 50 paıyzdan asyp jyǵylady.
