Astanadaǵy oqý dalalyq jıynǵa qatysqandardyń 90 paıyzy áskerde qyzmet etkisi keldi (FOTO)
Astana qalasynyń qorǵanys isteri jónindegi departamentinde atap ótkendeı, jıynǵa qatysqandardyń 90 paıyzy áskerı qyzmetke qajetti daǵdyny alý jáne QR Qarýly Kúshterinde qyzmet etýge talpynystary men ázirlikterin tanytty.
«Jıyn barysynda bozbalalar is júzinde bastapqy áskerı daıyndyq sabaqtarynda alǵan teorııalyq bilimderin, sarbazdyń mindetteri men is-qımyldaryn oryndaýda sheberlikteri men mashyqtaryn bekitti, qarýmen jáne qarýsyz saptyq aıla-tásilder men qozǵalystardy oryndaý pysyqtaldy», - dedi Astana qalasy Bilim basqarmasynyń bastapqy áskerı daıyndyq jónindegi ádiskeri Sergeı Sharıpov.
QR QM baspasóz qyzmetiniń habarlaýynsha, oqýshylar rotadaǵy ishki tártip týraly túsinik aldy, atys qarýynyń materıaldyq bóligin, odan oq atý amaldary men erejelerin, sondaı-aq qarý men oq-dárilerdi paıdalaný kezindegi qaýipsizdik sharalaryn, jeke qorǵanys quraldaryn qoldaný erejelerin zerdeledi.
Jıyn qorytyndysy boıynsha «Úzdik rotalar» atalymynda №56 orta mektebiniń 2-rotasy birinshi oryndy, №35 jáne №52 orta mektepteriniń 4 jáne 8-rotalary ekinshi oryndy ózara bólisti, №63, 54 jáne 53 mektepteriniń 11, 9 jáne 5-rotalary úshinshi oryndy ıelendi.
«Mektepterdegi bastapqy áskerı daıyndyq oqýshylarǵa ári qaraı áskerge qyzmet etýge ornalasý kezinde kómektesedi», - deıdi Astana qalasynyń qorǵanys isteri jónindegi departamenti bastyǵynyń orynbasary polkovnık Baqtııar Pernebekov.
Іs-sharanyń sońǵy kezeńinde jıynǵa qatysýshylardyń kórsetilimderi boldy. Olar defıle, qoıan-qoltyq urys, vzvod quramynda qarýsyz saptyq aıla-tásilderdi oryndaý, áskerılendirilgen estafeta jáne t.b. pash etti.
Esterińizge sala keteıik, jıyndar 11 mektep pen 68665 áskerı bóliminiń bazasynda ótkizildi. Onda áskerı qyzmetshiler oqýshylarǵa áskerı qyzmettiń bedeli týraly aıtyp berdi jáne qoıan-qoltyq urystyń mashyqtaryn, jerdi shartty lańkesterden bosatýdy kórsetti. Jıynǵa elorda mektepteriniń 10-synyptardyń 2200-den asa oqýshysy qatysty. 
