Astanadaǵy nysandardan myńnan astam órt qaýipsizdigi talaptaryn buzý faktileri anyqtaldy
ASTANA. QazAqparat - Jergilikti atqarýshy organdar órt qaýipsizdigi talaptary men normalaryna saı kelmeıtin saýda nysandaryn anyqtap, olardyń basshylaryn ákimshilik jaýapkershilikke tartý boıynsha jumystar jalǵasýda, - dep habarlaıdy Astana qalasy ákimdiginiń resmı saıty.
Kezekten tys tekserister 129 saýda nysanynyń ishinen 123-ne qatysty júrgizildi. Tekseris nátıjesinde órt qaýipsizdigi talaptary men normalaryn buzý boıynsha myńnan astam fakti anyqtalyp, 118 nysan ókilderi ákimshilik jaýapkershilikke tartyldy. Ereje buzǵan nysan basshylaryna naqty oryndaý ýaqyty kórsetilgen jazbasha uıǵarymdar berilip, olardy oryndaý boıynsha mamyr aıynda baqylaý-tekseris ótkiziledi. Egerde, atalǵan jazbasha eskertpeler oryndalmaǵan jaǵdaıda, zańǵa sáıkes, saýda nysanynyń qyzmeti ýaqytsha toqtatylatyn bolady.
Aıta ketetin jaıt, saýda nysandarynan anyqtalǵan órt qaýipsizdigin buzý áreketteriniń basym bóligi, órt kezinde adamdardy evakýatsııalaý tártibiniń joqtyǵymen baılanysty bolyp otyr. Sebebi kóptegen nysandarda tótenshe jaǵdaı kezinde shyǵatyn joldardy saýdy oryndary bógep tur.
Kezekten tys tekseris júrgizý kezinde jobalyq qujattamalardyń sáıkestigine de nazar aýdaryldy. Tekseris barysynda, kóptegen saýda oıyn-saýyq ortalyqtary, avtoparkıng oryndary qaıta josparlanyp, turmystyq bólmeler men halyqqa qyzmet kórsetý oryndaryna aınaldyrylǵan faktilerde anyqtaldy. Quzyretti organdar bul oryndar men bólmelerdi buzý boıynsha sheshim qabyldady.
Sonymen qatar, tekseris kezinde, mindetti túrde, nysan jumyskerleri, kúzet qyzmetteri jáne qonaqtarmen órt qaýipsizdigi boıynsha túsindirý jumystary júrgizilip, órt týyndaǵan jaǵdaıda jasalatyn is-qımyldar boıynsha taktıkalyq jattyǵýlar ótti.
Eske sala keteıik, qyzmet kórsetýshi personaldyń durys is-qımyldardy jasaýǵa baǵyttalǵan 9 órtti-taktıkalyq oqýlar men 102 órtti-taktıkalyq sabaqtar júrgizildi.
