Astanadaǵy «Nurjol» býlvarynda kólik qaldyrýǵa tyıym salyndy
ASTANA. QazAqparat - Búginnen bastap elordadaǵy «Nurjol» býlvarynda kólikti joldyń boıynda qaldyrýǵa tyıym salyndy, dep habarlaıdy QazAqparat tilshisi.
Býlvardyń boıynda júrgen jol-patrýldik polıtsııa qyzmetkerleriniń aıtýynsha, ázirshe aıyppul salynbaıdy. Kólik júrgizýshilerine tek eskertý ǵana jasalady. "Alaıda qaı kúnnen bastap aıyppul salatynymyz da belgisiz", - deıdi polıtseıler. Qazirgi kezde kólikti joldyń boıynda qaldyrýǵa tyıym salatyn barlyq belgilerdi ashyp qoıǵan.
Aıta keteıik , buǵan deıin QazAqparat "Nurjol" býlvarynda kólikti joldyń boıynda qaldyrýǵa tyıym salynatyny jaıynda xabarlaǵan bolatyn. Ol jerde 422 aqyly turaq orny qarastyrylǵan. Alaıda elektrondy parkomattar áli iske qosylǵan joq.
Astanadaǵy «Nurjol» býlvarynyń boıynda «Qazaqstan temirjoly» ulttyq kompanııasynyń bas keńsesi, «Nur Otan» partııasynyń Ortalyq apparaty, «Qazmedıa» ortalyǵy, «Atameken» UKP-nyń bas keńsesi jáne taǵy basqa ákimshilik ǵımarattar ornalasqan. Budan bólek, «Kerýen» oıyn-saýyq saýda ortalyǵyna keletinder «Nurjoldyń» boıynda óz kólikterin jıi tastap ketedi.
