Astanadaǵy «Nursaıa-1» turǵyn úı kesheninen órt shyqty (FOTO/VIDEO)
ASTANA. QazAqparat - Astanada sol jaǵalaýda ornalasqan «Nursaıa-1» turǵyn úı kesheninen órt shyqty.
Astana TJD habarlaýynsha, 11 shilde kúni 18:42-de «101» nómirine «Nursaıa-1» turǵyn úı kesheniniń órtengeni týraly aqparat tústi. 18:48-de birinshi órt bólimsheleri kelip, shatyrda ot tutanǵanyn anyqtady. Oqıǵa ornyna eki jedel járdem kóligi, jol-kólik patýrl mashınalary men tártip saqshylar keldi. Astana qalalyq Іshki ister departamentiniń tergeýshileri aýmaqty sary lentamen qorshaýǵa aldy.
Órt sóndirýge 15 tehnıka jáne 60 jeke quram atsalysýda. Ázirge órtti aýyzdyqtaý jumystary júrgizilip jatyr.
