Astanadaǵy «Nurly jol» vokzalynda jabyq avtoturaq paıdalanýǵa berildi
ASTANA. QazAqparat - «Nurly jol» vokzal kesheninde 379 mashına sııatyn eki deńgeıli jabyq avtoturaq halyq ıgiligine berildi, dep habarlaıdy «QazAqparat» HAA «Qazaqstan temir joly» ulttyq kompanııasynyń baspasóz qyzmetine silteme jasap.
Jabyq avtoturaq 489 mashınaǵa arnalǵan syrtqy kólik turaǵyna qosymsha túrde iske qosyldy. Kólikter turaqqa J. Nájimedenov kóshesi jaqtan kiredi. «Nurly jol» vokzalynyń dırektory Dinmuhamed Qusaıynovtyń aıtýynsha, avtoturaq operatsııa, kútý zaldaryna, jalpy tamaqtaný oryndaryna, júk saqtaý kameralaryna, medıtsınalyq pýnktterge baǵyt siltegishter, aqparattyq tablolar sekildi qazirgi zamanǵy aqparattyq-navıgatsııalyq quraldarmen jabdyqtalǵan.
Vokzal basshysy jeke kólikten tys vokzalǵa №2, 11, 14, 32, 48, 50 ,105, 201, 500 baǵyttarynyń avtobýstarymen, sondaı-aq qalanyń resmı «Astana Taxi» qyzmetiniń kólikterimen jetýge bolatynyn eskertip ótti.
