Astanadaǵy Nazarbaev zııatkerlik mektebi halyqaralyq mektepter keńesiniń akkredıtatsııasynan sátti ótip, sertıfıkatqa ıe boldy (FOTO)

Astana qalasyndaǵy Zııatkerlik mektebi Nazarbaev Zııatkerlik mektepter arasynda Halyqaralyq mektepter keńesiniń (CIS) músheligine kirgen alǵashqy mektep bolyp tabylady. Halyqaralyq Mektepter Keńesi (CIS)  - Halyqaralyq bilim berý júıesindegi halyqaralyq mektepterdi akkredıtatsııadan ótkizetin jáne oqytýdyń ozat ádisterin ázirleıtin uıym.                               

CIS múshesi atanǵan mekeme mektep ómirindegi jáne oqý protsesinde uıymdastyryp, júzege asyrylyp jatqan jumystarynda halyqaralyq standarttarǵa saı ekendigin dáleldeıdi. CIS qaýymdastyǵyna kirý - mekteptiń únemi ózin-ózi kemeldendirýmen qatar, damýdyń keleshektegi zor múmkinshilikterine jol ashady. Al bul árdaıym joǵary deńgeıde bilim berýge qoljetimdiliktiń belgisi bolyp tabylady. 

Halyqaralyq mektepter keńesi (CIS) - halyqaralyq bilim berý júıesindegi halyqaralyq mektepterdi akkredıtatsııadan ótkizetin jáne oqytýdyń ozat ádisterdi ázirleıtin uıym. Búgingi tańda CIS qaýymdastyǵy búkil álem boıynsha 697 mektep pen 508 kolledj/ýnıversıtetti qamtıtyn halyqaralyq bilim berý qoǵamdastyǵyna kiretin kommertsııalyq emes uıym. CIS álemniń 100-den astam elinde mektep jasyna deıingi balalardan bastap 12-synyp oqýshylaryna deıin bilim berý salasynda tájirıbesi bar jáne qyzmetkerleri men keńesshileriniń kóbi buryn halyqaralyq mektepterdi basqarǵan. CIS álemniń úzdik 50 joǵary oqý oryndarymen belsendi jumys jasaýda.

CIS Akkredıtatsııasynyń artyqshylyqtary:

• Mektep túlekterin álemniń úzdik joǵary oqý oryndaryna jeteleý (konferentsııalarǵa qatysý, kómek, daıarlaý jumystary);
• Mekteptiń suranysy boıynsha, seriktestiktegi mekteptermen (Halyqaralyq Bakalavrıat) biryńǵaı baǵalaý protsedýralaryn júrgizý;
• Halyqaralyq deńgeıdegi kórmelerge jáne joǵary sapalyq bilim berý kadrlaryn izdeý boıynsha jármeńkelerge qatysý;
• Kórmelerge qatysý jáne mekteptegi oqýshylar men koordınatorlardy ózara biriktiretin aqparattyq resýrstardyń qoljetimdiligi;
• CIS Halyqaralyq stýdenttik syılyqaqysyna óz oqýshylaryn usyný múmkindigi;
• CIS Membership Directory saıtynda mektep jaıynda aqparattyń (mektep profaıly) ornalasýy.

2016 jyldyń mamyr aıynyń 13 men 20 aralyǵynda Astana qalasyndaǵy Nazarbaev Zııatkerlik mektebine CIS (Halyqaralyq Mektepter Keńesi) sarapshylarynan quralǵan komıssııa akkredıtatsııalyq saparmen kelgen bolatyn. Bir apta kóleminde 11 adamnan quralǵan komıssııa músheleri (ártúrli elderden taǵaıyndalǵan halyqaralyq mektep ókilderi) jospar boıynsha óz jumysyn júrgizdi. 

Mektepti baǵalaý kelesi CIS-tiń belgilengen 7 standarty negizinde júzege asty:

• «Mektep basqarmasy boıynsha qoıylǵan sharttar»;
• «Bilim berý jáne oqytý»;
• «Basqarý jáne jetekshilik»;
• «Oqytýshylar ujymy jáne kómekshi qyzmetkerler»;
• «Bilim berý men oqytýdaǵy qol jetimdilik»;
• «Mektep mádenıeti jáne oqytý barysyndaǵy seriktestik»,
• «Operatsııalyq júıeler». 

Sońǵy kezdesý nátıjesinde Keńes jibergen esepte mekteptiń Halyqaralyq bilim berý júıesine jáne aldyńǵy qatardaǵy standarttaryna saı ekendigi eskerilip, resmı túrde Halyqaralyq mektepter keńesiniń múshesi mártebesi taǵaıyndaldy.

Mektep basshylyǵy CIS akkredıtatsııasyn sátti alýymen barlyq mektep qaýymdastyǵyn quttyqtap, jasaǵan eńbekteri úshin alǵysyn bildirip, alda qoıylǵan maqsattarynyń oryndalýyn tiledi.