Astanadaǵy MÝZ-TV «Open Air» - pre-party gala-kontsertinde «kópshilik selfıi» jasaldy (FOTO)
ASTANA. QazAqparat - Astana qalasynda jyldyń eń úlken mýzykalyq oqıǵasy - «MÝZ-TV 2015 premııasy.Gravıtatsııa» sharasyna shaǵyn daıyndyq ótti. «Astana-Arena» stadıonynyń aldynda ótken «Open Air» - pre-party ashyq aspan astyndaǵy gala-kontsertte Reseı jáne Qazaqstan shoý-bıznesiniń jaryq juldyzdary óner kórsetti.
Qazirgi zamanǵy, sapaly mýzykany súıetin jurtshylyq aldynda bul tún ortasyna deıin naǵyz kóńil kóterý keshi boldy. Astananyń myńdaǵan turǵyny men qonaqtaryna Qazaqstan men Reseıdiń 50-den astam tanymal ártisi: Dıma Bılan, Glıýk'oZa, Djıgan, ıÝlıa Savıcheva, «M-BAND», Bıanka, «Dıskoteka Avarııa», Irına Dýbtsova, Mıtıa Fomın, «Gradýsy», «Band'Eros», «Pıtstsa», «Fabrıka», Vıktorııa Daıneko, Anna Semenovıch, Satı Kazanova, Tomas Nevergreen, Stas Kostıýshkın, Aleksandr Revva, SWANKY TUNES, Domınık Djoker syndy birqatar ánshileri óner kórsetti.
Bul rette ashyq aspan astyndaǵy mýzykalyq keshtiń kóptegen qatysýshylary ánderin óz daýystarymen shyrqaýǵa tyrysqan, bul sharanyń erekshe dárejesi men ártisterdiń joǵary kásibıligin taǵy bir tanyta tústi.
Budan basqa, kontsertte kópshiliktiń qatysýymen selfı jasaldy. Reseılik «Pıtstsa» tobynyń solısi Sergeı Prıkazchıkov bastamashy bolǵan ony osy keshte óziniń jańa ánin tanystyrǵan ánshimiz Aıqyn Tólepbergen qostady.
Eske sala keteık, búgin, 5 maýsym kúni jyldyń basty mýzykalyq oqıǵasy ótedi. Jyl saıyn ótkiziletin MÝZ-TV ulttyq premııasynyń tabystalýy alǵash ret Astana qalasynda, «Astana Arena» stadıonynda ótpek. Bul keshtegi nómirlerdiń biri Batyrhan Shúkenovke arnalmaq.
